Cuors da cant, ils 24 d’october 2026
Descripziun
Co reussescha in bien cantar en e tgei effect ha el sin il repertori?
Quei cuors pratic muossa, sin basa dils siat elements fundamentals dalla scolaziun da vusch (respiraziun, energetisaziun etc.), co ins sa integrar quels en la lavur cun il chor.
Cun exempels da repertori ed in cantar en communabel mein nus alla tscherca da vias co applicar aspects dalla scolaziun da vusch directamein en la lavur dad emprova ed en il repertori.
| Temps: | 9.30 – 12.00 uras |
| Liug: | Claustra dallas soras dominicanas a Glion |
| Cuosts: | frs. 50.– per il cuors, frs. 23.– per il gentar |
Kursbeschreibung
Wie gelingt gutes Einsingen? – Und wie wirkt es ins Repertoire hinein?
Dieser praxisnahe Kurs zeigt anhand der sieben Grundelemente der Stimmbildung (Atmung, Energetisierung usw.), worauf es dabei ankommt und wie sie gezielt in der Chorarbeit eingesetzt werden können. Anhand von Repertoire-Beispielen und einem gemeinsamen Einsingen werden Wege gesucht, wie sich stimmbildnerische Aspekte direkt in die Probenarbeit und ins Repertoire integrieren lassen.
| Zeit: | 9.30 – 12.00 Uhr |
| Ort: | Kloster Ilanz/Glion |
| Kosten: | Fr. 50.– für den Kurs, Fr. 23.– für das Mittagessen |
Salome Cavegn
La giuvna mezzosopranista svizra Salome Cavegn ei activa ton el sectur da concert sco era ell‘ opera. Actualmein ei ella d‘’udir en las operas contemporanas Apocalypse (Gion Antoni Derungs / Origen) ed Annemarie (Fankhauser / Davos Festival). In’impurtonza speciala ha denton era il cant d’ensemble per Salome Cavegn. Quel cultivescha ella denter auter egl Origen Ensemble Vocal, el Schweizer Vokalconsort ed egl ipsa- ensemble.
En sia giuvna carriera ha Salome Cavegn gia luvrau cun dirigentas e dirigents sco Barbara Hannigan (Musikkollegium Winterthur), Rudolf Lutz (Johannespassion), Pierre-André Valade (Alif / Tamimi), Benoît Hartoin (Dido en Dido and Aeneas) e Philippe Bach (Hänsel en Hänsel und Gretel). Ultra da quei ha ella interpretau la Winterreise da Franz Schubert al Liedrezital Turitg.
La via da scolaziun cantica ha menau Salome Cavegn alla Zürcher Hochschule der Künste, nua ch’ella ha absolviu il bacholor en Schulmusik, accumpignada dalla docenta principala Dorothee Labusch. Silsuenter ha ella absolviu il master en cant pedagogic tier Werner Güra, il qual ella ha terminau igl onn 2025 summa cum laude. Impuls musicals impurtonts ha la mezzosopranista survegniu en cuors cun Anne Sofie von Otter, Margreet Honig, Ulrike Sonntag, Anke Vondung, Maria Riccarda Wesseling ed auters. Canticamein vegn ella vinavon accumpignada da Dorothee Labusch.